Almaty turǵyny, Qazaqstan Halyq ártisi, memlekettik syilyq iegeri, Otan ordeniniń iegeri, ánshi-kompozitor Eskendir Hasanǵaliev pen jary Dariko Hasanǵalieva búgingi sailaýda óz tańdaýyn jasady, dep habarlaidy QazAqparat.
Olar pandemiiaǵa bailanysty úilerinde daýys berdi.
Sailaý ýchaskesiniń qyzmetkerleri ánshiniń úiine kelip, biýlletenderin jáshikke salyp alyp ketti.
«Men Parlament Májilisi depýtattarynyń sailaýyna únemi qatysyp keldim. Biyl biz úide daýys beremiz. Pandemiiaǵa bailanysty búgin sailaý ýchaskesiniń qyzmetkerleri úige kelemiz dedi. Men kelisim berdim. Árkimniń kózqarasy ártúrli. Bul saiasi pikirge de bailanysty. Ár adam sailaýda óziniń oiyn, pikirin jetkizedi. Bolashaqqa degen senimin jetkizedi», - dedi ánshi kompozitor Eskendir Hasanǵaliev.
Onyń aitýynsha, uly, respýblikaǵa eńbegi sińgen qairatker, P.Chaikovksii atyndaǵy Almaty mýzykalyq kolledjiniń direktory Birjan Hasanǵaliev qazir sailaý ýchaskeleriniń birine jetekshi etip bekitilgen.
«Ol da balam úshin úlken jaýapkershilik ekeni ras. Tań atpai turyp, sol aýqymdy mindetti atqarýǵa ketti», - dedi E.Hasanǵaliev.
Aita ketý kerek, 10 qańtarda QR Parlamenti Májilisi men Máslihat depýtattaryn sailaý bastaldy.
Almatyda 507 sailaý ýchaskesi tańǵy 07:00-den bastap ashyldy. Daýys berý oryndary «QR Sailaý týraly» zańynyń, Ortalyq sailaý komissiiasynyń talaptaryna sai keledi.
507 ýchaskede 2535 meditsinalyq qyzmetker: 1014 dáriger, 1521 medbike jumys isteýde. Odan bólek keibir sailaý ýchaskeleriniń janynda Jedel járdem kezekshilik etýde.
Sailaýshylar maskamen kelýge mindetteledi, bolmaǵan jaǵdaida betperde kireberiste beriledi. Eger daýys berýshiniń dene qyzýy kóterilip tursa, daýys berýge tyiym salynady.
Daýys berýshi óz ýchaskesin 221-10-01 Call-ortalyǵy arqyly tegin bile alady nemese @sailau_almaty Telegram-bot kómegimen, sondai-aq «Open Almaty» servis ortalyǵynda jáne service.almaty.kz saitynda bile alady.
Májilis sailaýyna 5 saiasi partiia túsip jatyr: «Aýyl» halyqtyq demokratiialyq partiiasy, «Nur Otan» partiiasy, «ADAL» saiasi partiiasy, «Aq jol» Qazaqstan demokratiialyq partiiasy, Qazaqstan halyq partiiasy. Bul partiialar ár deńgeidegi máslihattar depýtattyǵyna da óz úmitkerlerin shyǵardy.
