Prezident Qasym-Jomart Toqaev «Egemen Qazaqstan» gazetine bergen suhbatynda koronavirýs pandemiiasyna bailanysty ál-Farabi men Abai mereitoilary qalai atap ótiletinin aitty.
«Ulylardy ulyqtap, danalardy dáripteý – halqymyzdyń igi dástúri. Biz Ál-Farabi men Abai murasyn zerdeleý arqyly qazaq dalasyndaǵy órkeniettiń tamyry tereń ekenin kórsetemiz. Sondyqtan bul mereitoilar – bárimizge úlken syn.
Abai óziniń «tolyq adam» tujyrymyn miras etse, Ál-Farabi «baqytqa jetý jolyndaǵy qaiyrymdy qoǵam» qaǵidasyn ósiet etip qaldyrdy. Uly oishyldardyń ádildik pen izgilik jónindegi ustanymy barshaǵa belgili. Meniń «Halyq únine qulaq asatyn memleket» atty tujyrymdamam osy qaǵidalarmen úndesedi.
Mereitoilar aiasynda memlekettik jáne óńirlik josparlar jasaldy. Búginge deiin keibir jobalardy júzege asyryp úlgerdik. Qazirgi ahýalǵa bailanysty túrli mereitoilyq sharalar onlain formatynda ótkizilýde. Bul jobalar áleýmettik jeliler men internet-resýrstarda da keńinen nasihattalady.
