Prezident Qasym-Jomart Toqaev Sheteldik investorlar keńesiniń otyrysynda pandemiia kezinde sheteldik investitsiianyń kómigimen 7000-nan astam jumys orny ashylǵanyn atady, dep habarlaidy "Ult aqparat".
«Pandemiia kezinde Qazaqstannyń shikizattyq emes taýarlar eksporty 15 mlrd dollardy qurap, meilinshe az – 2,8 paiyzǵa qysqarǵany qýantady. Osynaý daǵdarys jylynda biz 18 mlrd dollardan astam tikelei sheteldik investitsiia tarta aldyq. Byltyr sheteldik qatysýmen óńirlerde jalpy somasy 1,6 mlrd dollar bolatyn 41 investitsiialyq joba qolǵa alyndy. 7000-nan astam jumys orny quryldy. Álem ekonomikasy qalpyna kele bastaǵan kezde Qazaqstan da ekonomikalyq ósim qarqynyń arttyryp jatyr. Bizdiń Úkimettiń boljamy boiynsha, bul ósim 3,5 paiyz bolýy múmkin. Budan joǵary yqtimal qarqyn kútip otyrmyz», - dedi Memleket basshysy.
