14 mln teńgeni qaltasyna basqan Qostanai oblysy bilim basqarmasynyń qyzmetkeri 10 jylǵa sottaldy. Qylmystyq istiń mán-jaiyn jýrnalisterge Sybailas jemqorlyqqa qarsy kúres agenttigi oblystyq departamentiniń basshysy Qýanysh Bekbasov aityp berdi, dep habarlaidy "Ult aqparat".
«Oblystyq bilim basqarmasy bólim basshysynyń orynbasary Shýgaev sot sheshimimen asa iri mólsherde para berýge itermelegeni jáne aldaǵany úshin kináli dep tanyldy. Ol «ALANSinc» JShS-niń 34 565 500 teńgesin iemdenýge áreket jasaǵan. Shýgaev bul somanyń 14 mln teńgesin alyp úlgergen. Qaǵaz júzinde JShS men bilim basqarmasy arasynda 1490 kompiýter satyp alý úshin memlekettik satyp alý sharty jasalǵan. Ol kináli dep tanylyp, 10 jylǵa bas bostandyǵynan aiyryldy. Ókinishke orai, bul qylmys búkil el pandemiiamen kúresip jatqan kezeńde jasaldy», - dep atap ótti Qýanysh Bekbasov.
Departament málimetine sáikes, 2020 jyly sybailas jemqorlyq qylmysynyń 90 deregi tirkelgen.
Qostanai aýdany ákiminiń orynbasary, Qashar kentiniń ákimi, oblystyq kóliktik baqylaý inspektsiiasynyń basshysy, Altynsarin aýdany ákimdiginiń bilim bóliminiń basshysy, Qostanai qalasy ákimdiginiń TKSh bóliminiń basshysy, Qostanai qalasy ákimdiginiń qurylys bóliminiń basshysy para alǵany úshin isti boldy.
