sýret: newsroom.kz
Qaraǵandy oblysynyń Buqar Jyraý aýdandyq soty pandemiia kezinde dárigerler bólingen ústemeaqyny túrli qiturqylyqpen iemdendi degen kúdikpen jaýapqa tartylǵan burynǵy direktorge úkim shyǵardy, dep habarlaidy QazAqparat.
Oblystyq sottyń resmi saitynda jazylǵan málimet boiynsha, tergeý kezinde ortalyq aýdandyq aýrýhana direktory bolǵan áiel sybailasymen birge meditsina qyzmetkerlerine tólenýge tiis bolǵan ústemeaqy aqshasyn jymqyrǵany belgili bolǵan.
Prokýror sýdiadan aýrýhana basshysyn múlkin tárkilemei-aq, 6 jyl bas bostandyǵynan aiyrý jáne ómir boiy memlekettik qyzmette isteýge tyiym salý jazasyn berýdi suraǵan. Sýdia kúdiktiniń áreketinde qylmysty aýyrlatatyn jaittar joq dep uiǵaryp, kishkene balasy bar ekenin jáne ózi keltirgen shyǵyndy tolyqtai ótegenin eskerip, 3 jyl 6 ai merzimge bas bostandyǵynan aiyrý jazasyn belgiledi. Sottalýshy kesilgen merzimdi qylmystyq atqarý júiesiniń qaýipsizdik deńgeii ortasha mekemesinde óteitin boldy jáne ómir boiy memlekettik qyzmette isteý quqyǵynan aiyryldy.
Al onymen syibailas bolǵan kúdikti memlekettik qyzmette jumys isteý quqyǵynyn aiyrylyp, 3 750 000 teńge kóleminde aiyppul tóleitin boldy. Bul somany ol eki jyldyń ishinde erikti túrde óteýge tiis.
