Nur-Sultan qalasy Jumyspen qamtý jáne áleýmettik qorǵaý basqarmasynyń basshysy Sáýle Nurǵojina pandemiia kezinde elordada qandai sharalardyń júzege asyrylǵany týraly aityp berdi, dep habarlaidy QazAqparat.
«Eldegi pandemiialyq jaǵdailar jáne karantin engizilýine bailanysty qosymsha sharalar qabyldandy. Elordada 2 AEK kóleminde azyq-túlik jáne turmystyq zattar túrinde 209 myń otbasyǵa 3 ret memlekettik qoldaý kómegi kórsetildi. Sondai-aq, Memleket basshysynyń bastamasymen qolǵa alynǵan «Bir birgemiz» aktsiiasy aiasynda «Nur Otan» partiiasy muqtaj jandarǵa 50 myń teńgeden qarjylai kómek kórsetti», - dedi Sáýle Nurǵojina Nur-Sultan qalalyq máslihatynyń otyrysynda jasaǵan baiandamasynda.
Onyń aitýynsha, áleýmettik qoldaýǵa muqtaj jandardyń tizimi quzyrly organdarmen birlesip jasaqtaldy.
«Tótenshe jaǵdai kezinde tabysynan aiyrylǵan biznes ókilderi men ózin-ózi qamtamasyz etýshi azamattarǵa áleýmettik qoldaý kórsetý maqsatynda 2 ret 42 500 teńge tólemaqy jasaldy. Jyl basynan beri 663 70 jumys berýshiniń ótinishi qaraldy. Sol sekildi 2020 jyldyń 1 qańtarynan bastap AÁK (ataýly áleýmettik kómek) alýdyń jańa formasy engizildi, elordada AÁK-ti 4062 otbasy nemese 18,6 myń adam alady», - deidi ol.
Basqarma basshysynyń sózine sensek, ótken jylmen salystyrǵanda biyl Nur-Sultanda AÁK alatyn otbasy sany 2,5 esege azaiǵan.
