Pandemiia elektrondy kommertsiianyń damýyna serpin berdi. «Atameken» ulttyq kásipkerler palatasynyń basqarma tóraǵasynyń orynbasary Nariman Ábilshaiyqov osylai dedi, dep habarlaidy QazAqparat.
«Birge kúsh sala otyryp, Nur-Sultan, Almaty jáne Shymkent qalalaryndaǵy saýda bazarlaryn jańǵyrtýdy 2023 jylǵa qaldyrý máselesi sheshildi. Bári de bul sheshimniń dál qazirgi jaǵdaida qanshalyqty mańyzdy ekenin túsinedi. Alaida pandemiianyń jaǵymdy jaqtary da bar. COVID-19 pandemiiasy elektrondy saýdanyń jáne onlain satylymnyń ósimine jol ashty», - dedi Nariman Ábilshaiyqov Saýda jáne integratsiia ministrliginiń alqa otyrysynda.
Onyń aitýynsha, karantin kezinde internet arqyly bólshek saýda kórsetkishi edáýir artqan.
«Ásirese dári-dármektiń, turmystyq zattardyń jáne azyq-túlik saýdasynyń ósimi baiqaldy. «Qazposhta» AQ málimetteri boiynsha, elektrondyq kommertsiia naryǵy 2020 jyldyń 1 jartyjyldyǵynda 435 milliard teńgege jetken. Bul bólshek saýda ainalymynyń 9,4%-yn quraidy. 2020 jyldyń sońynda bul kórsetkish shamamen 900 mlrd teńgege jetti. 2022 jylǵa qarai 1,9 trln teńgege jetedi degen boljammymyz bar. Karantin kezeńinde qolma-qol aqshasyz tólem operatsiialary edáýir ulǵaidy», - dedi spiker.
