Sailaýaldy úgit-nasihat jumystary kezinde áleýmettik jelilerde tikelei efir kóp júrgizilgen. Bul týraly Sailau Talks-2021 sharasynda Qazaqstan strategiialyq zertteýler institýtynyń bólim basshysy Alýa Joldybalina aitty, dep habarlaidy QazAqparat.
«Partiialar úgit-nasihat jumystaryn júrgizgen kezde áleýmettik jelilerdegi tikelei efirdi paidalandy. Áleýmettik jelilerdi jastar ǵana qoldanady dep oilaimyz, al shyn máninde aǵa býyn jelide belsendi. Olar smartfondy da, áleýmettik jelilerdi de, elektrondyq úkimetti de jaqsy paidalana biledi. Pandemiia bizdi tsifrlyq saýattylyqqa úiretti, sondyqtan partiialar áleýmettik jelide jastar ǵana emes, barlyq jastaǵy adamdar otyratynyn eskerýi kerek», - deidi Qazaqstan strategiialyq zertteýler institýtynyń bólim basshysy Alýa Joldybalina.
Bul pikirdi saiasattanýshy Juldyzai Ysqaqova da qostady.
«Koronavirýs pandemiiasyna bailanysty sailaýaldy úgit-nasihat jumystary onlain rejimde de júrdi. Men 2020 jyly qazan jáne jeltoqsan ailarynda partiialardyń áleýmettik jelilerdegi belsendiligine qatysty kesteni qarap kórdim. Áleýmettik jelidegi partiialardyń belsendiligi óte joǵary boldy. Biraq áleýmettik jelini oryndy paidalana almaǵan partiialar da boldy jáne ony qarajattyń jetispeýshiligimen bailanystyrdy. Áleýmettik jelide belsendi bolý úshin qarajattyń qajeti joq», - deidi saiasattanýshy Juldyzai Ysqaqova.
