«Pákistan musylman ligasy» oppozitsiialyq partiiasynyń basshysy, eldiń burynǵy premer-ministri Navaz Shariftiń qyzy Mariam Navaz tutqyndaldy. Bul týraly beisenbi kúni Reuters agenttigi partiianyń resmi ókili Mariam Aýrangzebke silteme jasap habarlady.
«Mariam Navaz tutqyndaldy. Sybailas jemqorlyqqa qarsy is-qimyl ulttyq biýrosy ony Lahorda ustady. Onyń ne sebepti ustalǵanyn bizge habarlaǵan joq», - dep málimdedi Aýrangzeb.
2018 jyldyń 24 jeltoqsanynda Pákistannyń burynǵy premer-ministri Navaz Sharif jemqorlyq jasady dep aiyptalyp, jeti jylǵa qamaldy. Onyń qyzy Mariam Navaz da jemqorlyq jasady degen kúdikke ilindi. 2018 jyly ol qamaýǵa alyndy, alaida sottyń úkimi shyqqanǵa deiin bosatylǵan edi.
