«پەكٸستان مۇسىلمان ليگاسى» وپپوزيتسييالىق پارتيياسىنىڭ باسشىسى, ەلدٸڭ بۇرىنعى پرەمەر-مينيسترٸ ناۆاز شاريفتٸڭ قىزى ماريام ناۆاز تۇتقىندالدى. بۇل تۋرالى بەيسەنبٸ كٷنٸ Reuters اگەنتتٸگٸ پارتييانىڭ رەسمي ٶكٸلٸ ماريام اۋرانگزەبكە سٸلتەمە جاساپ حابارلادى.
«ماريام ناۆاز تۇتقىندالدى. سىبايلاس جەمقورلىققا قارسى ٸس-قيمىل ۇلتتىق بيۋروسى ونى لاحوردا ۇستادى. ونىڭ نە سەبەپتٸ ۇستالعانىن بٸزگە حابارلاعان جوق», - دەپ مەلٸمدەدٸ اۋرانگزەب.
2018 جىلدىڭ 24 جەلتوقسانىندا پەكٸستاننىڭ بۇرىنعى پرەمەر-مينيسترٸ ناۆاز شاريف جەمقورلىق جاسادى دەپ ايىپتالىپ, جەتٸ جىلعا قامالدى. ونىڭ قىزى ماريام ناۆاز دا جەمقورلىق جاسادى دەگەن كٷدٸككە ٸلٸندٸ. 2018 جىلى ول قاماۋعا الىندى, الايدا سوتتىڭ ٷكٸمٸ شىققانعا دەيٸن بوساتىلعان ەدٸ.
