Pákistannyń Prezidenti men Premer-ministri jáne Syrtqy ister ministri keshe Almaty mańynda bolǵan ushaq apatyna bailanysty kóńil aitty, dep habarlaidy "Ult aqparat" Pákistan syrtqy ister ministrliginiń resmi saityna silteme jasap.
Kóńil aitý habarlamasynda Pákistan Prezidenti pen Premer-ministri Qazaqstan halqy men úkimetine ózderiniń orny tolmas qaiǵyǵa ortaqtasatyndyǵyn jetkizgen. Apattan zardap shekkender men jaralanǵandardyń tezirek saýyǵyp ketýine tilektestikterin bildirgen.
Aita keteiik, keshe tańǵy mezgilde Almatydan Nur-Sultan qalasyna shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia bardy.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
