Fotograf Stiv MakKarri Sharbat Gýlanyń burynǵy jáne qazirgi fotolarynyń aldynda tur.
Pákistan biligi National Geographic jýrnalynyń 1985 jylǵy muqabasyna shyqqan fotosymen tanymal aýǵandyq áiel Sharbat Gýlany elden shyǵardy. Azattyq tilshisiniń habarlaýynsha, ony shekaradan ótkizip, Aýǵanstan biligine tabys etken.
Pákistan tórt balaly Gýlany ótken aida "jalǵan qujat jasady" dep aiyptap, Peshavarda qamaýǵa alǵan. Onyń balalary buǵan deiin Aýǵanstanǵa deportatsiialanǵan. Aýǵan biligi jasy 44-ter shamasyndaǵy Sharbat Gýlanyń otbasyna Kabýlde baspana daiyn ekenin málimdegen.
Buǵan deiin "Sharbat Gýlany Kabýlǵa tikushaqpen áketedi, ony el prezidenti Ashraf Gani qabyldaidy" dep habarlaǵan.
Amerikalyq fotograf Stiv MakKarri Sharbat Gýlany 32 jyl buryn bosqyndarǵa arnalǵan pákistandyq lagerden taýyp, sýretke túsirgen. Bul foto uzaq jyldar boiy milliondaǵan aýǵannyń ólimi men elden ketýine sebepker bolǵan sovettik okkýpatsiianyń zardabyn beinelegen. MakKarri Gýlany 2002 jyly Aýǵanstannan qaita taýyp alǵan.
Jaqynda Pákistan biligi elde turyp jatqan tirkeýsiz aýǵan bosqyndaryn qyspaqqa alǵan. BUU dereginshe, Pákistanda 1 million 400 myńǵa jýyq aýǵan bosqyny tirkelgen.
