فوتوگراف ستيۆ ماككارري شاربات گۋلانىڭ بۇرىنعى جەنە قازٸرگٸ فوتولارىنىڭ الدىندا تۇر.
پەكٸستان بيلٸگٸ National Geographic جۋرنالىنىڭ 1985 جىلعى مۇقاباسىنا شىققان فوتوسىمەن تانىمال اۋعاندىق ەيەل شاربات گۋلانى ەلدەن شىعاردى. ازاتتىق تٸلشٸسٸنٸڭ حابارلاۋىنشا, ونى شەكارادان ٶتكٸزٸپ, اۋعانستان بيلٸگٸنە تابىس ەتكەن.
پەكٸستان تٶرت بالالى گۋلانى ٶتكەن ايدا "جالعان قۇجات جاسادى" دەپ ايىپتاپ, پەشاۆاردا قاماۋعا العان. ونىڭ بالالارى بۇعان دەيٸن اۋعانستانعا دەپورتاتسييالانعان. اۋعان بيلٸگٸ جاسى 44-تەر شاماسىنداعى شاربات گۋلانىڭ وتباسىنا كابۋلدە باسپانا دايىن ەكەنٸن مەلٸمدەگەن.
بۇعان دەيٸن "شاربات گۋلانى كابۋلعا تٸكۇشاقپەن ەكەتەدٸ, ونى ەل پرەزيدەنتٸ اشراف گاني قابىلدايدى" دەپ حابارلاعان.
امەريكالىق فوتوگراف ستيۆ ماككارري شاربات گۋلانى 32 جىل بۇرىن بوسقىندارعا ارنالعان پەكٸستاندىق لاگەردەن تاۋىپ, سۋرەتكە تٷسٸرگەن. بۇل فوتو ۇزاق جىلدار بويى ميلليونداعان اۋعاننىڭ ٶلٸمٸ مەن ەلدەن كەتۋٸنە سەبەپكەر بولعان سوۆەتتٸك وككۋپاتسييانىڭ زاردابىن بەينەلەگەن. ماككارري گۋلانى 2002 جىلى اۋعانستاننان قايتا تاۋىپ العان.
جاقىندا پەكٸستان بيلٸگٸ ەلدە تۇرىپ جاتقان تٸركەۋسٸز اۋعان بوسقىندارىن قىسپاققا العان. بۇۇ دەرەگٸنشە, پەكٸستاندا 1 ميلليون 400 مىڭعا جۋىق اۋعان بوسقىنى تٸركەلگەن.
