Foto: pexels.com
Almaty oblysy Kegen aýdandyq sotynda Memlekettik shekarasyn ótkizý pýnkterin tysqara jerden qasaqana zańsyz kesip ótti degen aiyppen úsh shetel azamattaryna qatysty qylmystyq is qaraldy. Is QK-niń 392-baby 1-bóligi boiynsha qozǵalǵan.
Sotta 2024 jyldyń 15 mamyrynda Pákistan azamattarynyń bir toby Eýropaǵa jumysqa ornalasý úshin tranzit jasaý maqsatynda Bishkekke kelgen. Alaida Qyrǵyzstan astanasynda qarjylyq qiyndyqtarǵa tap bolǵan olar marshrýtty ózgertip, Qazaqstan men Resei arqyly ótýge sheshim qabyldaǵan.
Osy maqsatta olar Qazaqstanǵa Qyrǵyzstannyń Cholpon-Ata, Qarakól jáne Keńsý qalalary arqyly jol tartqan. Keńsýdan olar joldy jaiaý jalǵastyryp, birneshe kúnnen keiin Qazaqstannyń shekarasyna jetken.
2024 jyly 13 maýsymda Almaty oblysynyń Kegen aýdanynda olardy shekara nariady ustap, sottalýshylarda Qazaqstan shekarasyn zańdy túrde kesip ótý týraly qajetti belgilerdiń joqtyǵyn anyqtaǵan.
"Sottalýshylardyń kinási is materialdarymen: sottalýshylar Memlekettik shekarany buzý ornyn kórsetken fotokestesi bar oqiǵa ornyn tekserý hattamasymen jáne basqa da materialdarmen tolyq dáleldengen. Qylmystyq jaýaptylyq pen jazany jeńildetetin mán-jailar boiynsha sot olardyń shyn nietpen ókinetinin tanydy, aýyrlatatyn mán-jailar anyqtalǵan joq", - dedi ol.
Sot úkimimen sottalýshylar QK-niń 392-baby 1-bóligi boiynsha kináli dep tanylyp, QR-nyń sheginen tysqara jerge 5 jyl merzimge shyǵaryp jibere otyryp, 6 aiǵa bas bostandyǵynan aiyrý jazasy taǵaiyndaldy.
QK-niń 62-baby 3-tarmaǵynyń 3)-tarmaqshasyna sáikes sottalýshylardy úkim zańdy kúshine engenge deiin ustaý ýaqyty jaza merzimine, bas bostandyǵynan aiyrý túrindegi jazany óteýdiń eki kúni úshin bir kún esebimen jaza merzimine esepke jatqyzylady, osyǵan bailanysty sottalǵandar bas bostandyǵynan aiyrý jazasyn óteýden bosatyldy.
Qazaqstan Respýblikasynan tysqara jerge shyǵaryp jiberý túrindegi qosymsha jaza úkim zańdy kúshine engen kezden bastap oryndalýǵa tiis ekeni habarlandy.
Úkim zańdy kúshine engen joq.
