Aqtóbede ózin jaisyz sezingen azamat rýlge ie bola almai qaldy. Saldarynan eskertkish belgige soqtyǵysty, dep habarlaidy QazAqparat.
Aqtóbe qalasynyń Áliia Moldaǵulova dańǵyly men Aǵaiyndy Jubanovtar kóshesinde jol-kólik oqiǵasy tirkeldi.
«Jol talǵamaityn kólik rýlindegi eresek adamnyń kenetten qan qysymy kóterilip ketken. Saldarynan bir kólikti túiip, baǵytyn ózgertken. Sóitip «Batyrlar alańyndaǵy« eskertkish belgige soqtyǵysty. Adamdar din aman, eskertkish te búlinbedi», - dep habarlady oblystyq PD baspasóz qyzmeti.
Eske sala keteiik, buǵan deiin Aqtóbede mas kúiinde rýlge otyryp, jol erejesin buzǵan júrgizýshi áiel ustalǵanyn habarlaǵan bolatynbyz.
Toyota RAV4 markaly avtokóliginiń júrgizýshisin tekserý kezinde áieldiń mas kúiinde rýlge otyrǵany, buǵan deiin kólik quralyn basqarý quqyǵynan aiyrylǵany anyqtaldy.
