اقتٶبەدە ٶزٸن جايسىز سەزٸنگەن ازامات رۋلگە يە بولا الماي قالدى. سالدارىنان ەسكەرتكٸش بەلگٸگە سوقتىعىستى, دەپ حابارلايدى قازاقپارات.
اقتٶبە قالاسىنىڭ ەلييا مولداعۇلوۆا داڭعىلى مەن اعايىندى جۇبانوۆتار كٶشەسٸندە جول-كٶلٸك وقيعاسى تٸركەلدٸ.
«جول تالعامايتىن كٶلٸك رۋلٸندەگٸ ەرەسەك ادامنىڭ كەنەتتەن قان قىسىمى كٶتەرٸلٸپ كەتكەن. سالدارىنان بٸر كٶلٸكتٸ تٷيٸپ, باعىتىن ٶزگەرتكەن. سٶيتٸپ «باتىرلار الاڭىنداعى« ەسكەرتكٸش بەلگٸگە سوقتىعىستى. ادامدار دٸن امان, ەسكەرتكٸش تە بٷلٸنبەدٸ», - دەپ حابارلادى وبلىستىق پد باسپاسٶز قىزمەتٸ.
ەسكە سالا كەتەيٸك, بۇعان دەيٸن اقتٶبەدە ماس كٷيٸندە رۋلگە وتىرىپ, جول ەرەجەسٸن بۇزعان جٷرگٸزۋشٸ ەيەل ۇستالعانىن حابارلاعان بولاتىنبىز.
Toyota RAV4 ماركالى اۆتوكٶلٸگٸنٸڭ جٷرگٸزۋشٸسٸن تەكسەرۋ كەزٸندە ەيەلدٸڭ ماس كٷيٸندە رۋلگە وتىرعانى, بۇعان دەيٸن كٶلٸك قۇرالىن باسقارۋ قۇقىعىنان ايىرىلعانى انىقتالدى.
