Oralda alaiaq 62 jastaǵy áieldiń senimine kirip, 1,4 mln astam teńgesin iemdenip ketken, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, er adam ózin «Kaspi bank» qaýipsizdik qyzmetiniń qyzmetkeri retinde tanystyrǵan.
Ol 1958 jylǵy áielge «Alaiaqtar sizdiń atyńyzǵa nesie rásimdegesi kelip júr, oǵan jol bermes úshin ózińiz osylai jasańyz» dep aldaǵan. Oǵan sengen áiel áýeli ózine, sosyn qyzyna nesie rásimdegen. Sodan keiin er adam áielde depozit bar-joqtyǵyn bilip alyp, qaýipsiz bolý úshin barlyq aqshany jeke esepke aýdarý qajettigin aitqan.
Osylaisha áiel alaiaqqa barlyǵy 1 mln 440 myń teńgesin aýdaryp jibergen.
Sol sekildi Oral qalasynyń 29 jastaǵy turǵyny belgisiz bireýge aldanyp qalǵan. Alaiaq Kaspi.kz qosymshasy arqyly onlain nesie rásimdeimin dep, 56,7 myń teńgesin iemdenip ketken.
Qazirgi kezde atalǵan qylmystardy ashý úshin jedel izdestirý sharalary júrgizilýde.
Eki oqiǵa boiynsha QR QK 190-baby 2-bóligine (alaiaqtyq) sáikes qylmystyq is qozǵalyp, tergeý amaldary júrgizilip jatyr.
