ورالدا الاياق 62 جاستاعى ەيەلدٸڭ سەنٸمٸنە كٸرٸپ, 1,4 ملن استام تەڭگەسٸن يەمدەنٸپ كەتكەن, دەپ حابارلايدى "ۇلت اقپارات".
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك بەلگٸبەكوۆتٸڭ مەلٸم ەتكەنٸندەي, ەر ادام ٶزٸن «كاسپي بانك» قاۋٸپسٸزدٸك قىزمەتٸنٸڭ قىزمەتكەرٸ رەتٸندە تانىستىرعان.
ول 1958 جىلعى ەيەلگە «الاياقتار سٸزدٸڭ اتىڭىزعا نەسيە رەسٸمدەگەسٸ كەلٸپ جٷر, وعان جول بەرمەس ٷشٸن ٶزٸڭٸز وسىلاي جاساڭىز» دەپ الداعان. وعان سەنگەن ەيەل ەۋەلٸ ٶزٸنە, سوسىن قىزىنا نەسيە رەسٸمدەگەن. سودان كەيٸن ەر ادام ەيەلدە دەپوزيت بار-جوقتىعىن بٸلٸپ الىپ, قاۋٸپسٸز بولۋ ٷشٸن بارلىق اقشانى جەكە ەسەپكە اۋدارۋ قاجەتتٸگٸن ايتقان.
وسىلايشا ەيەل الاياققا بارلىعى 1 ملن 440 مىڭ تەڭگەسٸن اۋدارىپ جٸبەرگەن.
سول سەكٸلدٸ ورال قالاسىنىڭ 29 جاستاعى تۇرعىنى بەلگٸسٸز بٸرەۋگە الدانىپ قالعان. الاياق Kaspi.kz قوسىمشاسى ارقىلى ونلاين نەسيە رەسٸمدەيمٸن دەپ, 56,7 مىڭ تەڭگەسٸن يەمدەنٸپ كەتكەن.
قازٸرگٸ كەزدە اتالعان قىلمىستاردى اشۋ ٷشٸن جەدەل ٸزدەستٸرۋ شارالارى جٷرگٸزٸلۋدە.
ەكٸ وقيعا بويىنشا قر قك 190-بابى 2-بٶلٸگٸنە (الاياقتىق) سەيكەس قىلمىستىق ٸس قوزعالىپ, تەرگەۋ امالدارى جٷرگٸزٸلٸپ جاتىر.
