Foto: videodan skrinshot
Ridder qalasynda turǵyn úidiń aýlasynda taksi júrgizýshisi alty jastaǵy balany qaǵyp ketip, balanyń óz betimen júre alatynyna kóz jetkizgen soń oqiǵa ornynan ketip qalǵan. Bul týraly Ult.kz Jagdai telegram arnasyna silteme jasap habarlaidy.
Jol-kólik oqiǵasy keshe kúndiz №4 shaǵyn aýdanynda bolǵan jáne beinebaqylaý kameralaryna túsip qalǵan: bala podezden júgirip shyǵyp, ótip bara jatqan avtokóliktiń astyna túsken.
Bala qulap, keiin qaita turǵan. Júrgizýshi kólikten shyǵyp, onymen sóileskennen keiin oqiǵa ornyn tastap ketken. Kýágerlerdiń aitýynsha, bala jylap, úiine qarai qashyp ketken.
Qala turǵyndarynyń ótinishterinen keiin politsiia júrgizýshini anyqtady. Bala aýrýhanaǵa jatqyzyldy, jaǵdaiy turaqty, oǵan keýde tusynyń soǵylýy diagnozy qoiylǵan. Avtokólik tárkilenip, tiisti saraptamalar taǵaiyndaldy.
