Oqytý ózge tilde júrgiziletin mektepterde qazaq tili men ádebieti pánderin jeke oqytý máselesi pysyqtalyp jatyr. Bul týraly Ulttyq bilim akademiiasynyń prezidenti Ǵani Beisenbaev aitty, dep habarlaidy QazAqparat.
Onyń atap ótýinshe, Qazaq tili jáne ádebieti páni muǵalimderi seziniń qorytyndysynda birqatar is-shara júzege asyryldy.
«Eń birinshisi Qazaq tili men ádebieti páni muǵalimderiniń qaýymdastyǵy quryldy. Ol jumysyn qańtar aiynan bastady. Ekinshiden, qazaq tili men ádebieti pánderiniń úlgilik oqý baǵdarlamalaryn jetildirý jumystaryn uiymdastyrý qolǵa alyndy. Búgingi kúni úlgilik oqý baǵdarlamalaryn jetildirýge qatysty jumys toby qurylyp, ministrdiń buiryǵymen bekitilýge berildi. Úshinshiden, oqytý ózge tilde júrgiziletin mektepterde qazaq tili men ádebieti pánderin jeke oqytý máselesin qarastyrý úshin kásibi sarapshylar toby qurylyp, qazir talqylaýǵa daiyndalyp jatyr» - dedi ol Bilim ministrliginiń apparat jinalysynda.
Sonymen qatar ol sezd qararynda kórsetilgen máselelerdi iske asyrý jumystary qarqyndy júrgizilip jatyr. Olardyń barlyǵy osy jyly iske asyrylatyn bolady.
