Foto: ozen.kz
"QazMunaiGaz" jumys toby "Ózenmunaigaz" kásipornynda anyqtalǵan jańa zańbuzýshylyqtar týraly aitty, - dep habarlaidy Tengrinews.kz.
"Ózenmunaigaz" memlekettik mekemesine jumysqa ornalasý kezinde zańbuzýshylyq faktileri anyqtaldy, atap aitqanda, jergilikti bilim berý uiymdarynda oqýdan ótkeni týraly kýálikterdi paidalaný, jalǵan oqý sertfikattary arqyly jumysqa turý sekildi máseleler boiynsha materialdar Jańaózen prokýratýrasyna jiberildi.
Mamandyqtar boiynsha kadrlardy qabyldaý aiasynda jumysqa qabyldanǵan 238 adamnyń 50-ge jýyq qyzmetkeri mamandyǵynan tys jumysqa ornalasqany nemese keiinnen basqa qyzmetke aýystyrylǵany anyqtaldy.
Memlekettik eńbek inspektorlary ÓMG men merdiger uiymdarda eńbek zańnamasyn buzýdyń 130-dan astam faktisin tirkedi", - dedi jumys toby.
Kólik qurylymdyq bólimshelerindegi júkqujattardaǵy kemshilikter men faktilerin anyqtaý týraly habarlandy. Problemalardy sheshý úshin ózimizdiń kólik pen arnaiy tehnikany tiimdi paidalanýdy baqylaýdyń júieli sharalaryn ázirleý josparlandy.
