Foto: ozen.kz
QMA Mańǵystaý oblysy boiynsha departamentimen «Ózenmunaigaz» AQ Bas direktorynyń burynǵy orynbasary E. Qaramyrzaev (qazirgi tańda "Qarajanbasmunai" AQ Bas direktorynyń orynbasary) ustaldy, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
Ol «KEZBI» JShS-niń jáne «Ózenmunaigaz» AQ-nyń basqa da merdiger uiymdarynyń zańdy kásipkerlik qyzmetine kedergi jasaý maqsatynda óziniń qyzmettik ókilettigin paidalanǵan dep kúdikke ilingen.
"Qaramyrzaev konkýrstyń jekelegen qatysýshylarynyń biliktilik talaptaryna sáikes kelmeitinin jáne munai-gaz salasyndaǵy jumys tájiribesi týraly jalǵan qujattar usynǵanyn bile tura, olardy tenderge qatystyrǵan. Olardyń múddelerin qoldaýdy jalǵastyra otyryp, ol «KEZBI» JShS-ni kompaniiasy úshin uńǵymalardy jerasty jóndeý boiynsha kórineý qolaisyz shart jasasýǵa májbúr etti.
Óziniń zańsyz áreketterimen ol «KEZBI» JShS-niń zańdy múddelerine eleýli ziian keltirdi jáne myńnan astam qyzmetkerdiń quqyqtaryn buzdy, sondai-aq merdiger uiymdardyń eńbek ujymdarynda áleýmettik shielenis týdyrdy" - delingen habarlamada.
QR QPK 201-babynyń negizinde ózge aqparat jariia etilmeidi.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
