«Respýblikalyq elektrondyq densaýlyq saqtaý ortalyǵy» ShJQ RMK Almaty qalalyq filialynyń direktory Gúlnar Ysqaqova onlain brifing barysynda múgedektigi bar adamdar koronavirýsqa qarsy vaktsinany qalai saldyratynyn túsindirdi, dep habarlaidy QazAqparat.
Onyń aitýynsha, egde jastaǵy adamdar men múgedektigi bar jandarǵa vaktsina salý úshin meditsina qyzmetkerleri úilerine barmaidy.
«Vaktsinany úige baryp salmaimyz. Óitkeni vaktsinany muzdatylǵan kúiinde saqtaý úshin belgili bir rejim kerek. Qaladaǵy qoǵamdyq oryndarda uiymdastyrylǵan ekpe salý oryndary arnaiy tońazytqyshpen qamtylǵan, vaktsina sonda saqtalady. Eger júre almaityn adamdar vaktsina alǵysy kelse, emhanaǵa habarlasa alady. Mundai kezde meditsina qyzmetkerleri ekpe alýshyny emhanaǵa aparyp, sol jerde jaǵdaiyn tekserip, vaktsina salǵan soń úiine qaita aparyp tastaidy», - deidi ol.
Sonymen qatar, ol qaladaǵy ekpe salý oryndarynyń jumys ýaqyty adam kezegi kóbeise, uzartylatynyn aitty.
«Qaladaǵy emhanalar tańǵy 8.00-den keshki saǵat 20.00-ge deiin jumys istep keldi. Sondyqtan ekpe salý kezinde de osy jumys ýaqytyn saqtaimyz. Eger adamdar legi kóp bolsa, emhana jumys ýaqytyn sozýǵa májbúr bolady, iaǵni sońǵy kelýshige deiin. Degenmen túngi saǵat 24:00 kezinde adamdar ekpe saldyrýǵa keledi dep oilamaimyn», - deidi Gúlnar Ysqaqova.
