Básekelestikti qorǵaý jáne damytý agenttiginiń tóraǵasy Serik Jumanǵarin qazaqstandyqtardyń qantty jappai satyp alýyna qatysty túsinikteme berdi, - dep habarlaidy Tengrinews.kz tilshisi.
Jumanǵarin elde qant tapshylyǵy joq ekenin málimdedi. Onyń aitýynsha, negizsiz dúrbeleń saldarynan osyndai problema týdy.
"Bul baǵany jasandy kóterý emes, bul adamdar ózderi oilap tapqan problema. Árine, bizde qanttyń kóp bóligi birjada kórsetilgen shiki qanttan óńdeledi. Ol valiýtamen baǵalanady jáne baǵanyń ósýi de baiqalýy múmkin. Alaida keiingi aptadaǵy daýdyń esh negizi joq. Taǵy da qaitalap aitamyz, qant jetkilikti, ony mólsherden tys satyp alýdyń qajeti joq", - dedi Serik Jumanǵarin.
