QR Ekologiia, geologiia jáne tabiǵi resýrstar ministri M. Myrzaǵaliev Ózbekstan Respýblikasynyń Sý sharýashylyǵy ministri Sh. Hamraevpen kezdesý ótkizdi. Bul týraly Ekologiia ministrligi habarlady.
Kezdesý barysynda olar Syrdariia ózeniniń orta jáne tómengi aǵysyndaǵy sý jaǵdaiyn jaqsartý jónindegi birlesken sharalardy talqylady.
Kezdesý qorytyndysy boiynsha Qazaqstan úshin «Dostyq» memleketaralyq arnasy boiynsha Túrkistan oblysynyń Maqtaaral jáne Jetisai aýdandarynyń fermerleri úshin sý jiberý kólemi 80-nen 90 m3/s deiin ulǵaityldy.
Sondai-aq, Shardara sý qoimasyna keletin aǵyndy arttyrý boiynsha birlesken sharalardy jalǵastyrý týraly ýaǵdalastyqtarǵa qol jetkizildi.
Sonymen qatar, kezdesý barysynda Qazaqstan Respýblikasynyń Úkimeti men Ózbekstan Respýblikasynyń Úkimeti arasyndaǵy Transshekaralyq sý obektilerin birlesip basqarý jáne paidalaný týraly Kelisimniń jobasy talqylandy.
Taraptar osy jyldyń sońyna deiin Kelisim jobasyn kelisý rásimderin aiaqtaý nietteri bar ekenin rastady.
