Bloger Sábit Rysbaev Muhtar Jákishevtiń AES salý boiynsha pikirin qoldady. Ol kásipkerdiń sózin tápsirlep, AES Qazaqstanǵa ne úshin qajet ekenin túsindirdi.
"Jákishev te birde AES kerek deidi. Birde kerek emes deidi. Myna jerde aitýy boiynsha bizde jaryq tapshylyǵy ońtústikte eken. Soltústikten ońtústikke alyp barǵansha 50%-yn joǵaltyp alady ekenbiz.
Bizde halyqtyń kóp bóligi Ońtústikte ornalasqan ǵoi. Árbir 10 km saiyn minimým bir aýyl shyǵyp otyrady. Astanadan Jambyl oblysyna jetkenshe aýyldary saýsaqpen sanaisyń. Shymkentte 2 aýdannyń ortasyndaǵy aýyldar qaida kóp. Burynda sińirleý kezde jaryq pen gazdy Ózbekstannan alatynbyz. Ózaǵamyz kóńil-kúii bolmai, aqshamyz joq kezde óshirip qoiatyn. Halyq ósip jatyr. Ózbekstanǵa kúnimiz qarap qalmasyn", - dep jazdy Sábit Rysbaev.
Aita keteiik, «Qazatomónerkásip» kompaniiasynyń eks-tóraǵasy Muhtar Jákishev Qazaqstanda atom elektr stansasyn salýǵa qatysty óz suhbatynda aitqan bolatyn.
"Qazatomprom" ulttyq kompaniiasynyń burynǵy basshysy Muhtar Jákishev kásipker Armanjan Baitasovtyń Baitassov Live YouTube-arnasyna bergen suhbatynda Qazaqstanda atom elektr stansasyn salýdyń mańyzdylyǵy týraly pikirin bildirdi.
Suhbattyń basynda Muhtar Jákishev ózin atom energetigi emes, iadrolyq ónerkásipshi ekenin atap ótip, energetikanyń keibir qyr-syrlaryn tolyq bilmeitinin moiyndady. Sonymen qatar, onyń túrmede ótkizgen on jyldan astam ýaqytynda keibir aqparattardyń ózgerýi múmkin ekenin de atap ótti. Sondyqtan ol tek ózine belgili aqparatty ǵana bólisetinin aitty.
Armanjan Baitasov Qasym-Jomart Toqaevtyń sońǵy halyqqa joldaýynda nege Qazaqstanda atom elektr stansasyn salý qajettigin aitqanyn surady.
"Álem SO2 shyǵaryndylarynan týyndaityn ǵalamdyq klimattyń ózgerýi aldynda tur. Biz endi planetanyń atmosferasyn lastaityn energiia kózderin oilanbai paidalana almaimyz. Sondyqtan Batys elderi kómirtek salyǵyn engizdi. Bul salyq 2023 jylǵa qarai aliýminii, mys jáne basqa da tabiǵi resýrstarǵa qatysty bolady. Qazaqstan ekonomikasy negizinen tabiǵi resýrstardy, ásirese kómirtekti eksporttaýǵa negizdelgendikten, bul salyq elimizge aýyr zardap ákelýi múmkin. Biz eksportta aitarlyqtai úlken somadan aiyrylamyz. Sondyqtan taza energiia kózderin qoldanysqa engizý biz úshin óte mańyzdy", – dedi Muhtar Jákishev.
