Ózbekstannyń ministrler kabinetindegiler memlekettik baj salyǵyn óndirip alýǵa jáne sheteldik valiýtadaǵy salyqtan tys tólemderdi óndirýge qatysty ózgertýler engizdi, - dep habarlaidy Nuz.uz.
Basylymnyń málimetinshe, azamattyǵy joq jáne sheteldik azamattar 30 kúnge deiin ýaqytsha tirkeýge turý úshin ár kún úshin salyq tóleidi, iaǵni, Ózbekstandaǵy ailyq eseptik kórsetkishtiń (3 445 som) 2 paiyzyn tólep otyrýǵa tiis bolady. Osy kúnge deiin ýaqytsha tirkeý 20 dollar (160 516 som) turǵan eken. Shetel azamattaryna Ózbekstanǵa qansha ýaqytqa kelgenine qaramastan osy somany tóleý mindettelgen edi.
Memlekettik týrizm komiteti ókilderiniń aitýynsha, osylaisha týrister aqshalaryn aitarlyqtai únemdei alady.
Basylymnyń málimetinshe, bul ózgeristerdiń TMD elderine de qatysty bar. Endi Ózbekstanǵa kelgen týrist ýaqytsha tirkeýge turýǵa tóleidi, munymen qosa, olar kúnine 3 445 som kóleminde salyq tóleýge mindetteldi. Osyǵan deiin olar elge qansha kúnge kelýine qaramastan 5 dollar (3 kúnnen bastap 6 aiǵa deiin) tólegen eken.
Komitet ókilderi TMD elderinen kelgen týristerdiń kóbi bir apta nemese 10 kúnge týystaryna, dostaryna keletinin aityp ótti.
