ٶزبەكستاننىڭ مينيسترلەر كابينەتٸندەگٸلەر مەملەكەتتٸك باج سالىعىن ٶندٸرٸپ الۋعا جەنە شەتەلدٸك ۆاليۋتاداعى سالىقتان تىس تٶلەمدەردٸ ٶندٸرۋگە قاتىستى ٶزگەرتۋلەر ەنگٸزدٸ, - دەپ حابارلايدى Nuz.uz.
باسىلىمنىڭ مەلٸمەتٸنشە, ازاماتتىعى جوق جەنە شەتەلدٸك ازاماتتار 30 كٷنگە دەيٸن ۋاقىتشا تٸركەۋگە تۇرۋ ٷشٸن ەر كٷن ٷشٸن سالىق تٶلەيدٸ, ياعني, ٶزبەكستانداعى ايلىق ەسەپتٸك كٶرسەتكٸشتٸڭ (3 445 سوم) 2 پايىزىن تٶلەپ وتىرۋعا تيٸس بولادى. وسى كٷنگە دەيٸن ۋاقىتشا تٸركەۋ 20 دوللار (160 516 سوم) تۇرعان ەكەن. شەتەل ازاماتتارىنا ٶزبەكستانعا قانشا ۋاقىتقا كەلگەنٸنە قاراماستان وسى سومانى تٶلەۋ مٸندەتتەلگەن ەدٸ.
مەملەكەتتٸك تۋريزم كوميتەتٸ ٶكٸلدەرٸنٸڭ ايتۋىنشا, وسىلايشا تۋريستەر اقشالارىن ايتارلىقتاي ٷنەمدەي الادى.
باسىلىمنىڭ مەلٸمەتٸنشە, بۇل ٶزگەرٸستەردٸڭ تمد ەلدەرٸنە دە قاتىستى بار. ەندٸ ٶزبەكستانعا كەلگەن تۋريست ۋاقىتشا تٸركەۋگە تۇرۋعا تٶلەيدٸ, مۇنىمەن قوسا, ولار كٷنٸنە 3 445 سوم كٶلەمٸندە سالىق تٶلەۋگە مٸندەتتەلدٸ. وسىعان دەيٸن ولار ەلگە قانشا كٷنگە كەلۋٸنە قاراماستان 5 دوللار (3 كٷننەن باستاپ 6 ايعا دەيٸن) تٶلەگەن ەكەن.
كوميتەت ٶكٸلدەرٸ تمد ەلدەرٸنەن كەلگەن تۋريستەردٸڭ كٶبٸ بٸر اپتا نەمەسە 10 كٷنگە تۋىستارىنا, دوستارىنا كەلەتٸنٸن ايتىپ ٶتتٸ.
