Ózbekstannyń kinematografshylary «Abai sózi» derekti filmin túsirý úshin Semeige keldi, dep habarlaidy "Ult aqparat".
Igi bastama Ózbekstan prezidenti Shavkat Mirziioevtiń qazaqtyń bas aqyny Abaidyń shyǵarmashylyq murasyn nasihattaý týraly Qaýlysy aiasynda júzege asyp otyr. Ózbekstan eliniń basshysy Sh.Mirziioev bekitken qujatta uly aqyn jáne oishyl Abai esimi men mol shyǵarmashylyq murasy qazaq halqynyń ǵana emes, barsha túrki halyqtarynyń, onyń ishinde ózbek halqynyń rýhani damý tarihynda óshpes iz qaldyrǵany aitylǵan.
Ózbek tilindegi «Abai sózi» derekti filmniń maqsaty - kórermenderdi aqynnyń balalyq shaǵy, ósken ortasy, shyǵarmashylyǵy jáne muraǵat qujattarymen jaqyn tanystyrý.
Tashkent qalasyndaǵy Derekti filmder stýdiiasynyń ujymy Abaidyń Semeidegi mýzeiine kelip, kemeńger tulǵaǵa qatysty qundy derektermen tanysty. Sondai-aq film avtorlary mýzeige aqynnyń ózbek tiline aýdarylǵan shyǵarmalar jinaǵyn jáne «Abai joly» roman-eppopeiasyn tartý etti.
«Stýdiia ujymy 5 kún boiy Semeidegi jáne Jidebaidaǵy mýzeide bolyp, Abaidyń ómir joly, shyǵarmashylyǵy týraly túsirdi. Film osy jyldyń sońynda shyǵady dep josparlanýda», - dedi Abaidyń «Jidebai-Bórili» qoryq-mýzeiiniń ǵylymi qyzmetkeri Qýat Qiyqbai.
