ٶزبەكستاننىڭ كينەماتوگرافشىلارى «اباي سٶزٸ» دەرەكتٸ فيلمٸن تٷسٸرۋ ٷشٸن سەمەيگە كەلدٸ, دەپ حابارلايدى "ۇلت اقپارات".
يگٸ باستاما ٶزبەكستان پرەزيدەنتٸ شاۆكات ميرزييوەۆتٸڭ قازاقتىڭ باس اقىنى ابايدىڭ شىعارماشىلىق مۇراسىن ناسيحاتتاۋ تۋرالى قاۋلىسى اياسىندا جٷزەگە اسىپ وتىر. ٶزبەكستان ەلٸنٸڭ باسشىسى ش.ميرزييوەۆ بەكٸتكەن قۇجاتتا ۇلى اقىن جەنە ويشىل اباي ەسٸمٸ مەن مول شىعارماشىلىق مۇراسى قازاق حالقىنىڭ عانا ەمەس, بارشا تٷركٸ حالىقتارىنىڭ, ونىڭ ٸشٸندە ٶزبەك حالقىنىڭ رۋحاني دامۋ تاريحىندا ٶشپەس ٸز قالدىرعانى ايتىلعان.
ٶزبەك تٸلٸندەگٸ «اباي سٶزٸ» دەرەكتٸ فيلمنٸڭ ماقساتى - كٶرەرمەندەردٸ اقىننىڭ بالالىق شاعى, ٶسكەن ورتاسى, شىعارماشىلىعى جەنە مۇراعات قۇجاتتارىمەن جاقىن تانىستىرۋ.
تاشكەنت قالاسىنداعى دەرەكتٸ فيلمدەر ستۋديياسىنىڭ ۇجىمى ابايدىڭ سەمەيدەگٸ مۋزەيٸنە كەلٸپ, كەمەڭگەر تۇلعاعا قاتىستى قۇندى دەرەكتەرمەن تانىستى. سونداي-اق فيلم اۆتورلارى مۋزەيگە اقىننىڭ ٶزبەك تٸلٸنە اۋدارىلعان شىعارمالار جيناعىن جەنە «اباي جولى» رومان-ەپپوپەياسىن تارتۋ ەتتٸ.
«ستۋدييا ۇجىمى 5 كٷن بويى سەمەيدەگٸ جەنە جيدەبايداعى مۋزەيدە بولىپ, ابايدىڭ ٶمٸر جولى, شىعارماشىلىعى تۋرالى تٷسٸردٸ. فيلم وسى جىلدىڭ سوڭىندا شىعادى دەپ جوسپارلانۋدا», - دەدٸ ابايدىڭ «جيدەباي-بٶرٸلٸ» قورىق-مۋزەيٸنٸڭ عىلىمي قىزمەتكەرٸ قۋات قيىقباي.
