Sardoba sý qoimasyndaǵy bógettiń jarylýyna bailanysty qylmystyq is boiynsha 17 adam sottaldy, dep habarlaidy QazAqparat Ózbekstannyń Joǵarǵy sotyna silteme jasap.
Vedomstvonyń málimetinshe, 6 adam 3-ten 10 jylǵa deiingi aralyqta naqty merzimge bas bostandyǵynan aiyrylyp, 1 adamnyń bas bostandyǵy 4 jylǵa shekteldi, ózgelerine iri kólemde aiyppul salyndy.
Eń uzaq merzimge «Ýztemiriýlkýrilishmontaj» mekemesiniń bas direktorynyń burynǵy orynbasary, gidrotehikalyq qurylǵylar qurylysy direktsiiasynyń burynǵy basshysy M.Holmatov sottaldy.
Asa iri kólemde urlyq jasaǵany, jalǵan qujat jasaǵany sondai-aq saldary kisi ólimimen men sol siiaqty ózge de aýyr jaǵdaiǵa alyp kelgen taý, qurylys nemese jarylý qaýpi bar jumystardy atqarý kezinde qaýipsizdik talaptaryn saqtamaǵany úshin 10 jylǵa bas bostandyǵynan aiyryldy. Sondai-aq oǵan 3 jyl boiy materialdyq jaýapty qyzmetterdi atqarýǵa tyiym salyndy.
«Sirdare sýv kýrilish invest» mekemesiniń burynǵy basshysy S.Abdýnazarov pen UzGIP perspektivalyq jobalardy josparlaý bóliminiń burynǵy bastyǵy S. Rýdnev 5 jylǵa bas bostandyǵynan aiyryldy.
Aiyppul 6,8 ózbek sýmynan 134 mln sýmǵa deiingi aralyqta salyndy. Sot sonymen qatar kinálilerge memleket qarjysyn talan-tarajǵa salý, jymqyrý jáne Sardoba sý qoimasynyń jarylýy saldarynan kelgen shyǵyn boiynsha shara qoldanady.
Osyǵan deiin Ózbekstanda Sardoba sý qoimasynyń bógeti jarylyp, eldi mekender, kommýnikatsiialyq jeli, egistikke zaqym kelgen. Sonyń saldarynan Túrkistan oblysynda 4 aýyldy sý basyp, 620 úi búlindi. Maqtaral aýdanynda 2 mamyrda túngi 00:00-de tótenshe jaǵdai jariialandy.
Sondai-aq Sardoba sý qoimasy bógetiniń jarylýy boiynsha qylmystyq is qozǵalǵan edi.
