ساردوبا سۋ قويماسىنداعى بٶگەتتٸڭ جارىلۋىنا بايلانىستى قىلمىستىق ٸس بويىنشا 17 ادام سوتتالدى, دەپ حابارلايدى قازاقپارات ٶزبەكستاننىڭ جوعارعى سوتىنا سٸلتەمە جاساپ.
ۆەدومستۆونىڭ مەلٸمەتٸنشە, 6 ادام 3-تەن 10 جىلعا دەيٸنگٸ ارالىقتا ناقتى مەرزٸمگە باس بوستاندىعىنان ايىرىلىپ, 1 ادامنىڭ باس بوستاندىعى 4 جىلعا شەكتەلدٸ, ٶزگەلەرٸنە ٸرٸ كٶلەمدە ايىپپۇل سالىندى.
ەڭ ۇزاق مەرزٸمگە «ۋزتەميريۋلكۋريليشمونتاج» مەكەمەسٸنٸڭ باس ديرەكتورىنىڭ بۇرىنعى ورىنباسارى, گيدروتەحيكالىق قۇرىلعىلار قۇرىلىسى ديرەكتسيياسىنىڭ بۇرىنعى باسشىسى م.حولماتوۆ سوتتالدى.
اسا ٸرٸ كٶلەمدە ۇرلىق جاساعانى, جالعان قۇجات جاساعانى سونداي-اق سالدارى كٸسٸ ٶلٸمٸمەن مەن سول سيياقتى ٶزگە دە اۋىر جاعدايعا الىپ كەلگەن تاۋ, قۇرىلىس نەمەسە جارىلۋ قاۋپٸ بار جۇمىستاردى اتقارۋ كەزٸندە قاۋٸپسٸزدٸك تالاپتارىن ساقتاماعانى ٷشٸن 10 جىلعا باس بوستاندىعىنان ايىرىلدى. سونداي-اق وعان 3 جىل بويى ماتەريالدىق جاۋاپتى قىزمەتتەردٸ اتقارۋعا تىيىم سالىندى.
«سيردارە سۋۆ كۋريليش ينۆەست» مەكەمەسٸنٸڭ بۇرىنعى باسشىسى س.ابدۋنازاروۆ پەن UzGIP پەرسپەكتيۆالىق جوبالاردى جوسپارلاۋ بٶلٸمٸنٸڭ بۇرىنعى باستىعى س. رۋدنەۆ 5 جىلعا باس بوستاندىعىنان ايىرىلدى.
ايىپپۇل 6,8 ٶزبەك سۋمىنان 134 ملن سۋمعا دەيٸنگٸ ارالىقتا سالىندى. سوت سونىمەن قاتار كٸنەلٸلەرگە مەملەكەت قارجىسىن تالان-تاراجعا سالۋ, جىمقىرۋ جەنە ساردوبا سۋ قويماسىنىڭ جارىلۋى سالدارىنان كەلگەن شىعىن بويىنشا شارا قولدانادى.
وسىعان دەيٸن ٶزبەكستاندا ساردوبا سۋ قويماسىنىڭ بٶگەتٸ جارىلىپ, ەلدٸ مەكەندەر, كوممۋنيكاتسييالىق جەلٸ, ەگٸستٸككە زاقىم كەلگەن. سونىڭ سالدارىنان تٷركٸستان وبلىسىندا 4 اۋىلدى سۋ باسىپ, 620 ٷي بٷلٸندٸ. ماقتارال اۋدانىندا 2 مامىردا تٷنگٸ 00:00-دە تٶتەنشە جاعداي جارييالاندى.
سونداي-اق ساردوبا سۋ قويماسى بٶگەتٸنٸڭ جارىلۋى بويىنشا قىلمىستىق ٸس قوزعالعان ەدٸ.
