Keshe Ózbekstan parlamenti Zań shyǵarý palatasy jáne jergilikti keńester depýtattyǵyna kandidattarǵa qaita daýys berý ótkizildi, – dep habarlaidy ÓzA.
Agenttiktiń habarlaýynsha, qaita daýys berý 25 sailaý okrýginde ótkizilgen. Ózbekstan Respýblikasy Ortalyq sailaý komissiiasynyń málimdeýinshe, qaita sailaýda Ózbekstan Liberal-demokratiialyq partiiasynan 11, «Millii tiklanish» demokratiialyq partiiasynan 2, «Adolat» sotsial-demokratiialyq partiiasynan, Halyq demokratiialyq partiiasynan jáne Ózbekstan Ekologiialyq partiiasynan tórteýden kandidat Zań shyǵarý palatasynyń depýtaty bolyp sailanǵan.
Eske sala keteiik, 2019 jylǵy 22 jeltoqsanda ótken parlament sailaýynda Ózbekstan liberal-demokratiialyq partiiasynan 43 depýtat sailanyp, parlamentte basymdyqqa ie bolǵan edi. Liberal-demokrattar qaita sailaý nátijeleri boiynsha óz basymdyqtaryn nyǵaita tústi.
