كەشە ٶزبەكستان پارلامەنتٸ زاڭ شىعارۋ پالاتاسى جەنە جەرگٸلٸكتٸ كەڭەستەر دەپۋتاتتىعىنا كانديداتتارعا قايتا داۋىس بەرۋ ٶتكٸزٸلدٸ, – دەپ حابارلايدى ٶزا.
اگەنتتٸكتٸڭ حابارلاۋىنشا, قايتا داۋىس بەرۋ 25 سايلاۋ وكرۋگٸندە ٶتكٸزٸلگەن. ٶزبەكستان رەسپۋبليكاسى ورتالىق سايلاۋ كوميسسيياسىنىڭ مەلٸمدەۋٸنشە, قايتا سايلاۋدا ٶزبەكستان ليبەرال-دەموكراتييالىق پارتيياسىنان 11, «ميلليي تيكلانيش» دەموكراتييالىق پارتيياسىنان 2, «ادولات» سوتسيال-دەموكراتييالىق پارتيياسىنان, حالىق دەموكراتييالىق پارتيياسىنان جەنە ٶزبەكستان ەكولوگييالىق پارتيياسىنان تٶرتەۋدەن كانديدات زاڭ شىعارۋ پالاتاسىنىڭ دەپۋتاتى بولىپ سايلانعان.
ەسكە سالا كەتەيٸك, 2019 جىلعى 22 جەلتوقساندا ٶتكەن پارلامەنت سايلاۋىندا ٶزبەكستان ليبەرال-دەموكراتييالىق پارتيياسىنان 43 دەپۋتات سايلانىپ, پارلامەنتتە باسىمدىققا يە بولعان ەدٸ. ليبەرال-دەموكراتتار قايتا سايلاۋ نەتيجەلەرٸ بويىنشا ٶز باسىمدىقتارىن نىعايتا تٷستٸ.
