Ózbekstannyń Ferǵana qalasyndaǵy "Ferǵanaazot" zaýytynyń ammiak tsehynda jarylys boldy. Zaýyt azot tyńaitqyshtary men basqa da himiialyq zattardy óndiredi.
"AAQ "Ferǵanaazotta" 23 aqpanda saǵat 16.30-da ammiak tsehyndaǵy jóndeý-montajdaý jumystary kezinde jarylys boldy. Adam shyǵyny bar", - dep habarlady Ózbekstannyń tótenshe jaǵdailar ministrligi.
Habarlarǵa qaraǵanda, oqiǵany zertteýmen jáne zardap shekkenderge kómektesýmen ainalysatyn úkimettik komissiia qurylǵan. Jarylystan qansha adam zardap shekkeni habarlanbady.
"Ferǵanaazot" – Ózbekstandaǵy azot tyńaitqyshyn óndiretin iri kásiporyn. Munda jylyna 270 tonna karbamid jáne 350 myń tonna ammiak selitrasy shyǵarylady.
