Ózbekstandaǵy etnikalyq qazaqtardyń kishi quryltaiy ótedi, dep habarlaidy "Ult aqparat" Dúniejúzi qazaqtary qaýymdastyǵyna silteme jasap.
Is-sharany uiymdastyrýǵa Dúniejúzi qazaqtary qaýymdastyǵy, QR Aqparat jáne qoǵamdyq damý ministrligi jáne «Otandastar qory» men Ózbekstandaǵy qazaq ulttyq mádeni ortalyǵymen birlesip uiymdastyryp otyr.
Qalyptasqan epidemiologiialyq ahýalǵa bailanysty sharany aǵymdaǵy jyldyń 21 qazan kúni tuńǵysh ret onlain rejiminde Ózbekstandaǵy qazaq diasporasymen ótkizý josparlanýda.
«Dástúrge ainalǵan kishi quryltaidy Elbasy Nursultan Nazarbaev basqaratyn Dúniejúzi qazaqtary qaýymdastyǵy ótkizip keledi. Sońǵy jyldary Resei, Evropa qazaqtarynyń kishi quryltaiy ótken. Biyl birinshi ret pandemiiaǵa bailanysty Ózbekstandaǵy qazaqtardyń kishi quryltaiyn onlaiyn rejiminde ótkizýdi uiymdastyryp otyrmyz. Kezdesýdiń basty maqsaty – baýrlas Qazaqstan - Ózbekstan arasyndaǵy dostyq qarym-qatynas, mádeni-rýhani bailanystaryn nyǵaitý. Ózbekstandaǵy qazaq diasporasyna qoldaý kórsetý, mádeni - bailanysty keńeitý, olardyń túitkildi máselelerin sheshý joldaryn qarastyrý», - deidi DQQ Tóraǵanyń birinshi orynbasary Zaýytbek Turysbekov.
Osy quryltaiǵa Ózbekstannyń Tashkent, Syrdariia, Naýai, Buhara, Horezm oblysy jáne taǵy basqa elderdegi qazaq ulttyq mádeni ortalyqtarynyń basshylary men QR memlekettik mekemelerdiń ókilderi, qoǵam, óner qairatkerleri qatysady.
