Ózbekstanda memlekettik uiymdardyń jańajyldyq banket ótkizýine jáne bilim mekemelerinde Jańa jyl merekesin toilaýǵa tyiym salyndy, dep habarlaidy "Ult aqparat" eldiń densaýlyq saqtaý ministrliginiń baspasóz qyzmetine silteme jasap.
Ózbekstanda koronavirýsqa qarsy kúres jónindegi respýblikalyq komissiianyń qaýlysyna orai, memleket úlesi bar kásiporyndarda merekelik jiyn ótkizýge tyiym salyndy. Odan únemdelgen qarjyny bilim berý, densaýlyq saqtaý, balalar úii sekildi áleýmettik salalarǵa jumsaý usynylady.
Basqa uiymdar nemese jeke tulǵalardyń qoǵamdyq tamaqtandyrý oryndarynda 30 adamnan aspaityn jáne sanitariia-gigiena jáne karantin talaptaryn qatań saqtai otyryp mereke is-sharalaryn ótkizýine shekteý qoiylmaidy. Biraq el azamattaryna Jańa jyldy úide otbasymen toilaý usynylady.
Sondai-aq mektepke deiingi uiymdarda, orta mektepter men joǵary oqý oryndarynda oqýshylardyń, tárbielenýshilerdiń jáne stýdentterdiń qatysýymen jabyq jerde túrli merekelik is-shara men keshter uiymdastyrýǵa jáne ótkizýge tyiym salynady.
Oblys, aýdan jáne qala ortalyqtarynda Jańa jyl shyrshasyn ashyq jerge ornatý usynylady.
