ٶزبەكستاندا مەملەكەتتٸك ۇيىمداردىڭ جاڭاجىلدىق بانكەت ٶتكٸزۋٸنە جەنە بٸلٸم مەكەمەلەرٸندە جاڭا جىل مەرەكەسٸن تويلاۋعا تىيىم سالىندى, دەپ حابارلايدى "ۇلت اقپارات" ەلدٸڭ دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ٶزبەكستاندا كوروناۆيرۋسقا قارسى كٷرەس جٶنٸندەگٸ رەسپۋبليكالىق كوميسسييانىڭ قاۋلىسىنا وراي, مەملەكەت ٷلەسٸ بار كەسٸپورىنداردا مەرەكەلٸك جيىن ٶتكٸزۋگە تىيىم سالىندى. ودان ٷنەمدەلگەن قارجىنى بٸلٸم بەرۋ, دەنساۋلىق ساقتاۋ, بالالار ٷيٸ سەكٸلدٸ ەلەۋمەتتٸك سالالارعا جۇمساۋ ۇسىنىلادى.
باسقا ۇيىمدار نەمەسە جەكە تۇلعالاردىڭ قوعامدىق تاماقتاندىرۋ ورىندارىندا 30 ادامنان اسپايتىن جەنە سانيتارييا-گيگيەنا جەنە كارانتين تالاپتارىن قاتاڭ ساقتاي وتىرىپ مەرەكە ٸس-شارالارىن ٶتكٸزۋٸنە شەكتەۋ قويىلمايدى. بٸراق ەل ازاماتتارىنا جاڭا جىلدى ٷيدە وتباسىمەن تويلاۋ ۇسىنىلادى.
سونداي-اق مەكتەپكە دەيٸنگٸ ۇيىمداردا, ورتا مەكتەپتەر مەن جوعارى وقۋ ورىندارىندا وقۋشىلاردىڭ, تەربيەلەنۋشٸلەردٸڭ جەنە ستۋدەنتتەردٸڭ قاتىسۋىمەن جابىق جەردە تٷرلٸ مەرەكەلٸك ٸس-شارا مەن كەشتەر ۇيىمداستىرۋعا جەنە ٶتكٸزۋگە تىيىم سالىنادى.
وبلىس, اۋدان جەنە قالا ورتالىقتارىندا جاڭا جىل شىرشاسىن اشىق جەرگە ورناتۋ ۇسىنىلادى.
