Ýkrainadaǵy soǵystyń áseri Ózbekstanǵa da tiip, elde azyq-túlik qymbattady, dep habarlaidy Azattyq.
Tashkent turǵyny Ábdirazaq Sadyqov sońǵy bir aptanyń ishinde qalada qant 50 paiyzǵa qymbattaǵanyn aitady.
"Keshe bazarda qanttyń bir kelisi 15 myń sýmnan (shamamen 1,31 dollar nemese 645 teńge) satylyp jatqanyn kórdim. On kún buryn 9 myń sým bolyp turǵan. Ádette qant jazda tosap jasaityn kezde qymbattap, keiin qaita arzandaityn. Budan bólek ósimdik maiy men un da qymbattap jatyr" dedi ol.
Syrdariialyq kásipker Ulmas Qaharovtyń sózinshe, "el arasynda baǵa odan da qymbattaidy" degen sózderden keiin halyq jappai azyq-túlik satyp alyp jatyr.
Resei agressiiasyna bailanysty Ýkraina birqatar azyq-túlik túrlerin eksporttaýǵa shekteý qoiyp, bidai, júgeri, taýyq eti, jumyrtqa jáne ósimdik maiy eksportyna tyiym salǵan.
14 naýryzda Resei úkimeti de EAEO-ǵa múshe elderge birqatar azyq-túlikti eksporttaýǵa tyiym saldy. Bul shekteýler Ózbekstan ekonomikasyna keri áserin tigizip otyr. Sebebi Ózbekstan negizgi azyq-túlikti Qazaqstannan satyp alady. Qazaqstan EAEO-ǵa múshe bolǵandyqtan, Reseide bul ólkege azyq-túlik eksporttalmai qalady.
Gazeta.uz saitynyń málimetinshe, 2021 jyly Ózbekstan Qazaqstannan 643,3 million dollarǵa dán azyqtaryn, 92,9 million dollarǵa un importtaǵan.
Ózbekstan prezidenti Shavkat Mirziiaev 23 naýryzda ekonomikanyń turaqtylyǵyn qamtamasyz etý boiynsha jinalys ótkizip, ministrler kabinetine ishki bazardaǵy baǵany turaqtandyrýdy tapsyrǵan.
