ۋكرايناداعى سوعىستىڭ ەسەرٸ ٶزبەكستانعا دا تيٸپ, ەلدە ازىق-تٷلٸك قىمباتتادى, دەپ حابارلايدى ازاتتىق.
تاشكەنت تۇرعىنى ەبدٸرازاق سادىقوۆ سوڭعى بٸر اپتانىڭ ٸشٸندە قالادا قانت 50 پايىزعا قىمباتتاعانىن ايتادى.
"كەشە بازاردا قانتتىڭ بٸر كەلٸسٸ 15 مىڭ سۋمنان (شامامەن 1,31 دوللار نەمەسە 645 تەڭگە) ساتىلىپ جاتقانىن كٶردٸم. ون كٷن بۇرىن 9 مىڭ سۋم بولىپ تۇرعان. ەدەتتە قانت جازدا توساپ جاسايتىن كەزدە قىمباتتاپ, كەيٸن قايتا ارزاندايتىن. بۇدان بٶلەك ٶسٸمدٸك مايى مەن ۇن دا قىمباتتاپ جاتىر" دەدٸ ول.
سىردارييالىق كەسٸپكەر ۇلماس قاحاروۆتىڭ سٶزٸنشە, "ەل اراسىندا باعا ودان دا قىمباتتايدى" دەگەن سٶزدەردەن كەيٸن حالىق جاپپاي ازىق-تٷلٸك ساتىپ الىپ جاتىر.
رەسەي اگرەسسيياسىنا بايلانىستى ۋكراينا بٸرقاتار ازىق-تٷلٸك تٷرلەرٸن ەكسپورتتاۋعا شەكتەۋ قويىپ, بيداي, جٷگەرٸ, تاۋىق ەتٸ, جۇمىرتقا جەنە ٶسٸمدٸك مايى ەكسپورتىنا تىيىم سالعان.
14 ناۋرىزدا رەسەي ٷكٸمەتٸ دە ەاەو-عا مٷشە ەلدەرگە بٸرقاتار ازىق-تٷلٸكتٸ ەكسپورتتاۋعا تىيىم سالدى. بۇل شەكتەۋلەر ٶزبەكستان ەكونوميكاسىنا كەرٸ ەسەرٸن تيگٸزٸپ وتىر. سەبەبٸ ٶزبەكستان نەگٸزگٸ ازىق-تٷلٸكتٸ قازاقستاننان ساتىپ الادى. قازاقستان ەاەو-عا مٷشە بولعاندىقتان, رەسەيدە بۇل ٶلكەگە ازىق-تٷلٸك ەكسپورتتالماي قالادى.
Gazeta.uz سايتىنىڭ مەلٸمەتٸنشە, 2021 جىلى ٶزبەكستان قازاقستاننان 643,3 ميلليون دوللارعا دەن ازىقتارىن, 92,9 ميلليون دوللارعا ۇن يمپورتتاعان.
ٶزبەكستان پرەزيدەنتٸ شاۆكات ميرزيياەۆ 23 ناۋرىزدا ەكونوميكانىڭ تۇراقتىلىعىن قامتاماسىز ەتۋ بويىنشا جينالىس ٶتكٸزٸپ, مينيسترلەر كابينەتٸنە ٸشكٸ بازارداعى باعانى تۇراقتاندىرۋدى تاپسىرعان.
