Ózbekstanda taýdan domalap túsken úlken tas jolda ketip bara jatqan Chevrolet Cobalt kóligine túsip, ony jolaýshylarymen birge janshyp tastady, dep habarlaidy Ult.kz Podrobno.uz saityna silteme jasap.
Qaiǵyly oqiǵa 6 qarasha kúni saǵat 16:00 shamasynda Qashqadariia oblysyndaǵy Tahtakaracha asýynda oryn alǵan. Oqiǵa saldarynan úsh adam qaitys boldy.
Belgili bolǵandai, kólik Kitabtan Samarqandqa qarai baǵyt alǵan. Qaitys bolǵan azamattardyń jeke tulǵalary áli anyqtalǵan joq. Áleýmettik jelidegi aqparatqa sáikes, kólik ishinde Vengriia azamattary bolǵan, al júrgizýshi ózbekstandyq bolǵan degen boljam bar, biraq bul málimet resmi túrde rastalmady.
Qazirgi ýaqytta asýdaǵy jol ýaqytsha jabylyp, oqiǵa ornynda arnaiy mamandar jumys júrgizýde.
