Shavkat Mirziiaev prezident sailaýynda sailaý ýchaskesinde daýys berip tur. Tashkent, 4 jeltoqsan 2016 jyl.
Ózbekstan Ortalyq sailaý komissiiasynyń (OSK) habarlaýynsha, merziminen buryn prezident sailaýynyń aldyn ala nátijeleri búgin jergilikti ýaqyt boiynsha saǵat 16-da jariialanady. OSK basshysy Mirza-Ýlýgbek Abdýsalomov bul jaiynda 4 jeltoqsanda sailaý ýchaskeleri jabylǵan soń jariialady.
Abdýsalomov daýys berýge sailaýshylardyń 87,83 paiyzy - 17,9 million adam qatysqanyn aitty. Ózbekstanda sailaýshylar tizimine 20 millionǵa tarta adam engizilgen.
Bul sailaýda 2003 jyldan beri premer-ministr qyzmetin atqarǵan Shavkat Mirziiaev jeńiske jetedi degen boljam basym. 59 jastaǵy Mirziiaev kúzde avtoritarlyq prezident Islam Karimovtyń qaitys bolǵany habarlanǵannan alty kúnnen soń prezident mindet atqarýshy bolyp jariialanǵan.
Mirziiaev prezident mindetin ýaqytsha atqarýshy bolyp konstitýtsiiaǵa sai jariialanǵan joq. Konstitýtsiia boiynsha, prezident mindetin ýaqytsha atqarý aldymen parlamenttiń joǵarǵy palatasynyń spikerine júktelýi tiis bolatyn. Mirziiaev buǵan deiin Islam Karimov salyp bergen saiasi baǵyttan ainymaitynyn málimdegen.
