شاۆكات ميرزيياەۆ پرەزيدەنت سايلاۋىندا سايلاۋ ۋچاسكەسٸندە داۋىس بەرٸپ تۇر. تاشكەنت, 4 جەلتوقسان 2016 جىل.
ٶزبەكستان ورتالىق سايلاۋ كوميسسيياسىنىڭ (وسك) حابارلاۋىنشا, مەرزٸمٸنەن بۇرىن پرەزيدەنت سايلاۋىنىڭ الدىن الا نەتيجەلەرٸ بٷگٸن جەرگٸلٸكتٸ ۋاقىت بويىنشا ساعات 16-دا جارييالانادى. وسك باسشىسى ميرزا-ۋلۋگبەك ابدۋسالوموۆ بۇل جايىندا 4 جەلتوقساندا سايلاۋ ۋچاسكەلەرٸ جابىلعان سوڭ جارييالادى.
ابدۋسالوموۆ داۋىس بەرۋگە سايلاۋشىلاردىڭ 87,83 پايىزى - 17,9 ميلليون ادام قاتىسقانىن ايتتى. ٶزبەكستاندا سايلاۋشىلار تٸزٸمٸنە 20 ميلليونعا تارتا ادام ەنگٸزٸلگەن.
بۇل سايلاۋدا 2003 جىلدان بەرٸ پرەمەر-مينيستر قىزمەتٸن اتقارعان شاۆكات ميرزيياەۆ جەڭٸسكە جەتەدٸ دەگەن بولجام باسىم. 59 جاستاعى ميرزيياەۆ كٷزدە اۆتوريتارلىق پرەزيدەنت يسلام كاريموۆتىڭ قايتىس بولعانى حابارلانعاننان التى كٷننەن سوڭ پرەزيدەنت مٸندەت اتقارۋشى بولىپ جارييالانعان.
ميرزيياەۆ پرەزيدەنت مٸندەتٸن ۋاقىتشا اتقارۋشى بولىپ كونستيتۋتسيياعا ساي جارييالانعان جوق. كونستيتۋتسييا بويىنشا, پرەزيدەنت مٸندەتٸن ۋاقىتشا اتقارۋ الدىمەن پارلامەنتتٸڭ جوعارعى پالاتاسىنىڭ سپيكەرٸنە جٷكتەلۋٸ تيٸس بولاتىن. ميرزيياەۆ بۇعان دەيٸن يسلام كاريموۆ سالىپ بەرگەن ساياسي باعىتتان اينىمايتىنىن مەلٸمدەگەن.
