Ózbekstan Reýspýblikasynyń Bas prokýratýrasy Sardoba sý qoimasyna qatysty qylmystyq isti tergeý barysy jóninde resmi málimet taratty, - dep habarlandy vedomstvonyń Telegram-daǵy paraqshasynda.
«Syrdariia oblysynyń Sardoba sý qoimasyna qatysty qylmystyq is boiynsha tergeý sharalary júrgizilýde. Qazirgi kezde atalǵan qylmystyq is boiynsha eki adam kúdikti dep tanyldy, olarǵa qatysty «qamaýǵa alý» bultartpaý sharasy qoldanyldy.
Shyndyqty anyqtaýǵa kedergi týyndamaýy úshin is boiynsha oǵan qatysty basqa da mán-jailary aitylmaidy», delingen habarlamada.
Vedomstvonyń málimetinshe, qazir tergeý amaldary aiaqtalmaǵan.
Osy apatqa bailanysty qylmystyq is 3 mamyrda qozǵalǵan bolatyn.
Eske sala keteiik, 2 mamyrda Ózbekstanda Sardoba sý qoimasynyń bógeti jarylyp, eldi mekender, kommýnikatsiialyq jeli, egistikke zaqym kelgen. Sonyń saldarynan bir kúnniń ishinde Túrkistan oblysynda 4 aýyldy sý basyp, 620 úi búlindi. Maqtaral aýdanynda 2 mamyrda túngi 00:00-de tótenshe jaǵdai jariialandy.
Aita keterligi, Sardoba sý qoimasyna tehnikalyq aýdit júrgiziledi, oǵan Qazaqstan tarapy da qatysady.
