Ózbekstanda Qyrǵyzstanǵa alyp baratyn taǵy bir jer asty joly tabylǵan. "Jer asty jolyna lift, elektr jaryǵy men baqylaý kamerasy ornatylǵan" dep jazady Azattyqtyń Ózbek redaktsiiasy.
23 maýsymda Ferǵana oblysynyń Rishtan aýdanynda turatyn azamattyń úiinen Qyrǵyzstannyń Batken oblysy Qadamjai aýdanyna aparatyn jer asty joly tabylǵan.
Jer asty joly jaiynda Ózbekstan memlekettik qaýipsizdik qyzmeti habarlaǵan. Bul habarǵa qaraǵanda, Ózbekstan memlekettik qaýipsizdik qyzmeti men oblys politsiiasy arnaýly operatsiia kezinde júk kóligin toqtatqan. Kólikten IPhone 13 Pro Max, Samsung Galaxy S 22 ultra, RedMi Note 11 markaly 2707 smartfon tabylǵan. Taýardyń jalpy quny 15 milliard sýmǵa baǵalanǵan.
Kólik iesiniń úiin tintigende jer asty joly tabylǵan. Joldyń eni 1-1,5 metr, biikti 2 metr, uzyndyǵy 130 metrge jýyq bop shyqqan. Quqyq qorǵaý organdary jariialaǵan videodan jer asty jolynyń betondalǵany, ishinde jaryǵy men liftisi bar ekeni kórinedi.
Quqyq qorǵaý organdary taratqan habarda, jer asty joly Qyrǵyzstannan Ózbekstanǵa taýar tasýǵa paidalanylǵany aitylǵan.
Aita keteiik, buǵan deiin de eki eldiń arasynda valiýta men túrli taýar tasýǵa paidalanyp júrgen eki jer asty joly tabylǵany habarlanǵan.
