Ózbekstanda koronavirýs juqtyrǵandar sany 390 adamǵa jetti, dep habarlaidy QazAqparat.
Sońǵy málimetterge sáikes, elde koronavirýs infektsiiasyn juqtyrǵandar sany 390 adamdy qurap otyr. Onyń ishinde 188 er adam jáne 202 áiel.
Jas erekshelikteri boiynsha naýqastar arasynda:
0-9 jasar 10 adam (2,6%);
10-19 jas – 15 (3,8%);
20-29 jas – 59 (15,1%);
30-39 jas – 111 (28,5%);
40-49 jas – 123 (31,5%);
50-59 jas – 48 (12,3%);
60-69 jas – 17 (4,4%);
70-79 jas – 6 (1,5%);
80 jastaǵy – 1 (0,3%) adam.
Qazirgi ýaqytta 170 naýqas Tashkent qalasynda, 64 – Ferǵanada, 61 – Ándijanda, 48 – Namanganda, 19 – Buqarada, 18 – Horezmde, 6 – Qashqadariiada, 2 – Qaraqalpaqstan Respýblikasynda, 2 – Navoi oblysynda infektsiialyq aýrýlardy emdeýge mamandanǵan meditsinalyq mekemelerde em alýda.
Qazirgi ýaqytta osy aýrýdan 30 adam tolyqtai emdelip shyqty. 31 naýqasta pnevmoniia bar. Onyń ishinde 9 naýqastyń jaǵdaiy ortasha aýyr bolsa, ekeýi – aýyr halde jatyr.
