Ózbekstan prezidenti Shavkat Mirziiaev "Ar-ujdan jáne dini uiymdardyń erkindigi týraly" zańǵa engizilgen ózgertýlerge qol qoidy, dep jazady Azattyq.
Zańnyń jańa redaktsiiasynda qoǵamdyq oryndarda dini kiim kiip júrýge arnalǵan tyiym alynǵan. Sebebi, zań aktilerinde "dini kiim" túsiniginiń zańdyq anyqtamasy joq.
Qujatqa sáikes, dini uiymdardy tirkeý jáne olardyń isin toqtatý tártibi jeńildetilgen. Mysaly, jergilikti dini uiymdardy qurý boiynsha bastamashy toptyń quramy azaitylady. Endi dini uiym qurý úshin 18 jasqa tolǵan 50 adamnyń qoly bolsa jetkilikti.
Budan bólek dini uiymnyń ortalyq basqarý mekemesin jáne oqý oryndaryn ashý úshin 100 bastamashy bolýy kerek degen talap joiyldy. Sonymen birge dini jiyn ótkizý úshin jergilikti turǵyndardyń ruqsatyn alýy kerek degen talap da alynyp tastaldy.
Jańa zań boiynsha, dini uiymnyń jumysyn toqtatý tek sot arqyly ǵana júzege asyrylady. Dini uiymdar laýazymdy tulǵalardyń áreketine sot arqyly shaǵymdansa, memlekettik baj salyǵyn tólemeidi.
Zań dini bilimdi tek dini mekemelerden ǵana alýdy mindetteidi, qalǵany zańsyz bolyp sanalady.
Ózbek biligi eldegi "saqal men hidjabqa qarsy kampaniia" jóninde ashyq aitpaidy. Alaida Tashkent pen Namangan oblysynyń turǵyndary osyǵan deiin politsiianyń erlerdi saqaldaryn alýǵa májbúrlegenin habarlaǵan. Azattyqtyń Ózbek qyzmeti Qoqanda hidjab kietin mektep oqýshylarynyń tizimi jasalatynyn anyqtaǵan.
Ortalyq Aziiada halqy eń kóp (32 mln adam) memleketti avtoritar basshy Islam Karimov qazasynan keiin basqaryp kele jatqan Shavkat Mirziiaev ózin reformator retinde kórsetýge tyrysady. Ol saiasi tutqyndardy bosatyp, Ózbekstan qaqpasyn kórshi elder men syrtqy álemge ashqan. Biraq kóptegen belsendiler elde reforma ústirt júrgizildi dep sanaidy.
