ٶزبەكستان پرەزيدەنتٸ شاۆكات ميرزيياەۆ "ار-ۇجدان جەنە دٸني ۇيىمداردىڭ ەركٸندٸگٸ تۋرالى" زاڭعا ەنگٸزٸلگەن ٶزگەرتۋلەرگە قول قويدى, دەپ جازادى ازاتتىق.
زاڭنىڭ جاڭا رەداكتسيياسىندا قوعامدىق ورىنداردا دٸني كيٸم كيٸپ جٷرۋگە ارنالعان تىيىم الىنعان. سەبەبٸ, زاڭ اكتٸلەرٸندە "دٸني كيٸم" تٷسٸنٸگٸنٸڭ زاڭدىق انىقتاماسى جوق.
قۇجاتقا سەيكەس, دٸني ۇيىمداردى تٸركەۋ جەنە ولاردىڭ ٸسٸن توقتاتۋ تەرتٸبٸ جەڭٸلدەتٸلگەن. مىسالى, جەرگٸلٸكتٸ دٸني ۇيىمداردى قۇرۋ بويىنشا باستاماشى توپتىڭ قۇرامى ازايتىلادى. ەندٸ دٸني ۇيىم قۇرۋ ٷشٸن 18 جاسقا تولعان 50 ادامنىڭ قولى بولسا جەتكٸلٸكتٸ.
بۇدان بٶلەك دٸني ۇيىمنىڭ ورتالىق باسقارۋ مەكەمەسٸن جەنە وقۋ ورىندارىن اشۋ ٷشٸن 100 باستاماشى بولۋى كەرەك دەگەن تالاپ جويىلدى. سونىمەن بٸرگە دٸني جيىن ٶتكٸزۋ ٷشٸن جەرگٸلٸكتٸ تۇرعىنداردىڭ رۇقساتىن الۋى كەرەك دەگەن تالاپ دا الىنىپ تاستالدى.
جاڭا زاڭ بويىنشا, دٸني ۇيىمنىڭ جۇمىسىن توقتاتۋ تەك سوت ارقىلى عانا جٷزەگە اسىرىلادى. دٸني ۇيىمدار لاۋازىمدى تۇلعالاردىڭ ەرەكەتٸنە سوت ارقىلى شاعىمدانسا, مەملەكەتتٸك باج سالىعىن تٶلەمەيدٸ.
زاڭ دٸني بٸلٸمدٸ تەك دٸني مەكەمەلەردەن عانا الۋدى مٸندەتتەيدٸ, قالعانى زاڭسىز بولىپ سانالادى.
ٶزبەك بيلٸگٸ ەلدەگٸ "ساقال مەن حيدجابقا قارسى كامپانييا" جٶنٸندە اشىق ايتپايدى. الايدا تاشكەنت پەن نامانگان وبلىسىنىڭ تۇرعىندارى وسىعان دەيٸن پوليتسييانىڭ ەرلەردٸ ساقالدارىن الۋعا مەجبٷرلەگەنٸن حابارلاعان. ازاتتىقتىڭ ٶزبەك قىزمەتٸ قوقاندا حيدجاب كيەتٸن مەكتەپ وقۋشىلارىنىڭ تٸزٸمٸ جاسالاتىنىن انىقتاعان.
ورتالىق ازييادا حالقى ەڭ كٶپ (32 ملن ادام) مەملەكەتتٸ اۆتوريتار باسشى يسلام كاريموۆ قازاسىنان كەيٸن باسقارىپ كەلە جاتقان شاۆكات ميرزيياەۆ ٶزٸن رەفورماتور رەتٸندە كٶرسەتۋگە تىرىسادى. ول ساياسي تۇتقىنداردى بوساتىپ, ٶزبەكستان قاقپاسىن كٶرشٸ ەلدەر مەن سىرتقى ەلەمگە اشقان. بٸراق كٶپتەگەن بەلسەندٸلەر ەلدە رەفورما ٷستٸرت جٷرگٸزٸلدٸ دەپ سانايدى.
