2018 jyldyń 1 qazanyndaǵy jaǵdai boiynsha Ózbekstan Respýblikasynyń turaqty halyq sany 33 085 200 adamdy quraǵan. Osylaisha, jyl basynan beri bul kórsetkish 428,5 myń adamǵa nemese 1,3 %-ǵa artqan, dep habarlaidy QazAqparat.
Bul derekti Ózbekstan Respýblikasynyń statistika boiynsha memlekettik komiteti keltirdi.
Atap aitqanda, qala halqynyń sany 16 728 200 adamdy quraǵan (50,6 %). Al, aýyl turǵyndarynyń sany 16 357 000 adam (49,4 %) bolǵan.
Qujatta kórsetilgendei, halyq tyǵyz ornalasqan óńir - Samarqan oblysy - 3 777 800 adam (respýblika halqynyń 11,4 %), odan keiin Ferǵana oblysy - 3 665 600 adam (11,1 %).
