2018 جىلدىڭ 1 قازانىنداعى جاعداي بويىنشا ٶزبەكستان رەسپۋبليكاسىنىڭ تۇراقتى حالىق سانى 33 085 200 ادامدى قۇراعان. وسىلايشا, جىل باسىنان بەرٸ بۇل كٶرسەتكٸش 428,5 مىڭ ادامعا نەمەسە 1,3 %-عا ارتقان, دەپ حابارلايدى قازاقپارات.
بۇل دەرەكتٸ ٶزبەكستان رەسپۋبليكاسىنىڭ ستاتيستيكا بويىنشا مەملەكەتتٸك كوميتەتٸ كەلتٸردٸ.
اتاپ ايتقاندا, قالا حالقىنىڭ سانى 16 728 200 ادامدى قۇراعان (50,6 %). ال, اۋىل تۇرعىندارىنىڭ سانى 16 357 000 ادام (49,4 %) بولعان.
قۇجاتتا كٶرسەتٸلگەندەي, حالىق تىعىز ورنالاسقان ٶڭٸر - سامارقان وبلىسى - 3 777 800 ادام (رەسپۋبليكا حالقىنىڭ 11,4 %), ودان كەيٸن فەرعانا وبلىسى - 3 665 600 ادام (11,1 %).
